De Garte, wo die Blueme herchömed, lit am obere Zürisee, in Schmerike. Dezue ane hend mir no en Dachgarte in Züri, insbesondere für Spontanbstellige.
Mi schaffet a beidne Ort nach em Prinzip vo de Permakultur. Bim Abau wird Rücksicht uf dBiodiversität gnoh. Allgemein wird ressourceschonend gschaffet. Das bedütet bispilswis, dass mir insektefründlichi Blueme und Misch- statt Monokultur förderet. DBöde sind bedeckt und werdet minim bearbeitet. Damit sBodelebe gschützt isch, de Bode weniger schnell uströchnet und dBlueme wichtigi Zuesätz bechömed. Es werdet immer au Blueme uf de Winter stahglah und Ästhüfe gmacht, so dass sich Tier zruggzieh chönd und Nahrig findet. DPflanze werdet mit Regewasser gosse. Es wird ohni Strom odr Tribhus und vo Hand gschaffet.
Immer am Mittwuch düend mir gärtnere, Blueme ernte, rüste und binde. Mir sind denn für dich vor Ort, wenn du wedsch mitgärtnere oder dini Blueme selber pflücke. Zudem hend mir in Schmerike no es chlises Atelier, wo au als Lade gilt. Jederzit hets für dich öppis im Selbstbedienigsegge, wo du au chasch mit Twint zahle. Chum verbi und gnüss dNatur, dBlueme und en feine Kafi. Mi freued üs uf din Bsuech.
Wenn du nöd chasch vor Ort cho und mit üs din eigne Blumestruss zemestelle, denn hesch du dMöglichkeit das da zmache. Wähl die saisonal Blueme us, wo dir gfallet und mir lieferet dir sie als Struss hei.
